LIBROLANDIA

Recursos para o Nadal

2011-12-05T15:02:00.000-08:00

Unha boa recopilación de recursos para traballar nas nosas aulas estas datas.Esta feita pola Coordinadora Galega de ENDL. Click para acceder.Esperamos que vos axude.

Bo Nadal

Día das librerías

2011-11-24T12:16:00.001-08:00

Xa era hora de que se recoñecese o labor das librerías.
Ser libreiro ou libreira é unha vocación que nace do amor polos libros e fan o imprescindible traballo de ser mediadores culturais entre os escritores e os lectores.
Noraboa.

Wikiespellos

2011-11-02T15:29:00.000-07:00

Queremos felicitar desde o noso blog a Uxía Acuña Abalde, do CEIP de Aguiño, en Ribeira que acaba de recibir o premio «Francisco Giner de los Ríos» á mellora da calidade educativa.
Co seu permiso, compartimos o seu traballo desde aquí para difundir novas metodoloxías coa utilización das TIC nas aulas de EI.

Wikiespellos é o nome da wiki utilizada para o proxecto desenvolvido nun obradoiro de estimulación oral para os nenos de EI de 5anos.
Esta imaxe "O Home da Graña" foi escollida polos nenos como portada da súa wiki.

Merece que se lle bote un ollo.
Imos aprendendo uns dos outros.
Noraboa de novo a Uxía e aos seus alumnos.

Emilio Urberuaga ,Premio Nacional de Ilustración

2011-10-31T14:18:00.000-07:00

Emilio Urberuaga o creador da imaxe do entrañable Manolito Gafotas (personaxe literario creado por Elvira Lindo) acaba de ser galardonado co Premio Nacional de Ilustración.
NORABOA!!!

Penso que é un bo motivo para recordarlle ós nenos e nenas do cole as divertidas historias de Manolito Gafotas.

Velaquí tedes unha mostra .

Tamén en inglés.

Máis información na paxína oficial.

Botade unha ollada a "Leer.es"

2011-10-26T13:28:00.000-07:00

Unha páxina interesante e con moi alto nivel de calidade . Está chea de recursos que nos axudarán no noso traballo.
Nela atoparedes moitísima información sobre o tema da lectura

O futuro lector...

2011-10-26T12:42:00.000-07:00

Aínda que os amantes da lectura teñamos unha preferencia especial polo libro en papel, non podemos negar a evidencia do que está vindo, ou mellor dito que xa está aquí.

Aqui temos un futuro lector....

Novas horizontes nas bibliotecas.

2011-07-09T12:00:00.000-07:00

Nas Xornadas de Bibliotecas Infantís, Xuvenís e Escolares organizadas polo Centro Internacional del Libro Infantil y Juvenil (CILIJ) da FGSR desenvolveuse o tema de como as novas tecnoloxías están revolucionando o mundo das bibliotecas, con participación de importantes especialistas sobre este tema.

Leer máis.

LOIS PEREIRO . DÍA DAS LETRAS GALEGAS 2011

2011-05-09T15:13:00.001-07:00

Áchegase o día máis importante do ano para os que somos e nos sentimos galegos: o día adicado á nosa fala.

A través dos escritores homenaxeados cada ano recordamos a importacia da nosa lingua e facemos medrar o noso amor por ela e pola nosa terra.
Velaquí tedes un fermoso fragmento da poesía de Lois Pereiro:

Somentes

intentaba conseguir

deixar na terra

algo de min que me sobrevivise

sabendo que deberia ter sabido

impedirme a min mesmo

descubrir que só fun un interludio

atroz entre dous muros de silencio.

Poñevos á vosa disposición unha selección de material que podemos utilizar nas clases destes días. Hai para todos os niveis : EI, 1º, 2º e 3º ciclos de EP.
Encontraredes LIMs , actividades, biografía de Lois Pereiro completa, guía para a exposición,...
Este material foi recopilado polos compañeiros da BE Milladoiro de Malpica. Escolleron distintos traballos doutros colexios e compartiron a selección feita.
Damos as grazas a todos por compartir o seu traballo con outros centros, que coma nós, aínda non chegaron a elaborar materiais. Poñeremos o noso empeño para elaboralos noutras ocasións.

Pinchade en Lois Pereiro para acceder ós materiais.

Libros con ciencia

2011-05-04T14:46:00.000-07:00

A semana do 11 de abril , en Librolandia, organizamos unha actividade especial. Chamámoslle "Libros con ciencia".
Os nenos tiñan que facer experimentos en "vivo y en directo" e explicar o que pasaba neles.
Para iso primeiro tiveron que prepararse. Houbo que ler libros informativos de ciencia, de experimentos.... Logo escoller un experimento que resultase divertido e poñerse mans á obra. Houbo desde un volcán, ata flores que cambiaban de cor.
A participación era voluntaria, e aínda que foi na hora do recreo participaron moitísimos nenos.
Nós sentímonos moi contentos porque eles estaban aprendendo moitísimo... e non se enteraban.
Esperamos repetir outro ano, e que resulte aínda mellor.
Aquí podemos ver a reportaxe da actividade.

Traballando pola Paz

2011-04-27T16:03:00.000-07:00

Unha das actividades propostas para a celebración do Día da Paz foi a realización de traballos colaborativos para os que había que buscar e tratar a información. Para iso desde a biblioteca fixemos unha selección de fondos que puxemos a disposición dos grupos que os quixeran utilizar.
Velaquí vai unha mostra.

Fina Casalderrey fixo as delicias dos pequenos

2011-04-27T15:29:00.000-07:00

Co seu micro incorporado debido a un problema de garganta os pequenos de 1º e 2º disfrutaron da compañía de Fina Casalderrey á que recibiron con moito cariño e lle adicaron piropos espontáneos como : "Que guapa eres Fina!"

Ela estivo encantada e firmou os libros moi amablemente . O tempo con ela soupo a pouco.
Dous nenos de 2º fixeron a presentación,... e , abofé, que non se podía facer mellor. Repasaron a súa vida e os seus premios e Fina quedou abraiada da naturalidade con que o facían,... como se fosen presentadores de toda a vida...

FINA CASALDERREY EN LIBROLANDIA

2011-04-05T14:24:00.000-07:00

O venres 8 de abril estará cos pequenos de 1º e 2º de EP a famosa escritora Fina Casalderrey.
Están preparando a visita con moita ilusión disfrutando un montón cos seus libros.

LITERATURA INFANTIL E XUVENIL PARA A PAZ

2011-04-05T14:05:00.000-07:00

O pasado mes de xaneiro con motivo da celebración do Día da Paz e a Non Violencia no colexio puidemos disfrutar e aprender cunha fermosa exposición titulada LITERATURA INFANTIL E XUVENIL PARA A PAZ.
Este material creado e organizado polo Seminario Galego de Educación para a Paz consta de 16 láminas que reproducen textos que falan de paz e non violencia.
Estivo no noso centro durante unha semana e durante a mesma todos os cursos desde EI a 6º de EP pasaron a ver detidamente , reflexionar sobre as mensaxes dos paneis e realizar as distintas actividades propostas. Ó mesmo tempo fixemos unha pequena exposición de libros que falan de paz.

Tamén serviu de marco para o acto oficial do colexio do Día da Paz.

Velaquí tedes imaxes desta exposición.

GÚSTAME LER

2011-03-04T07:49:00.000-08:00

Atopei este vídeo de Random House Mondadori.

Paréceme marabilloso o xeito de expoñer moitas das razóns polas que disfrutamos lendo.

Contaxia a emoción que sentimos coas lecturas.

Recomendo que o miredes.

Agustín Fernández Paz , candidato ao PREMIO ÁNDERSEN e ao PREMIO IBEROAMERICANO de LIX SM .

2011-02-25T09:03:00.000-08:00

Agustín Fernández Paz afamado escritor de literatura infantil e xuvenil en lingua galega traducido tamén ó castelán, é un dos creadores máis importantes galegos acaba de ser nomeado para o Premio Andersen.

NORABOA POR TODO O TEU TRABALLO, AGUSTÍN!

Así aparece a información no blog de Galix (Asociación Galega do Libro Infantil e Xuvenil.

PREMIO ANDERSEN O Premio Hans Christian Andersen, denominado "o Premio Nobel de la Literatura Infantil" outórgao, cada dous anos, o IBBY (International Board on Books for Young People) a un escritor/a e a un ilustrador/a cuxa obra completa significa unha contribución importante á literatura infantil. Está patrocinado pola Raíña Margarida de Dinamarca.

A OEPLI, como sección española deste Organismo Internacional é a encargada de propoñer os candidatos españois e para 2012 se presenta a candidatura do escritor AGUSTÍN FERNÁNDEZ PAZ.

O fallo do Xurado farase público na Feira de Bolonia de 2012 e a entrega de Medallas durante o 33º Congreso de IBBY, que se celebrará en Londres, o mesmo ano.

Por outra banda tamén foi proposto para o PREMIO IBEROAMERICANO DE LITERATURA INFANTIL E XUVENIL SM, para o ano 2011

No mesmo blog de GALIX , pódese ler:

PREMIO IBEROAMERICANO DE LITERATURA INFANTIL EDICIÓNS SM
Este premio convocouse por primeira vez no ano 2005 co propósito de impulsar a literatura infantil e xuvenil en toda América Latina e recoñecer a traxectoria de autores que escriban para o público infantil e xuvenil.

Convócao anualmente o Instituto SM para a Educación xunto coas institucións que conforman a Asociación do Premio: Centro Rexional para o Fomento do Libro en América Latina e o Caribe (CERLALC),International Board on Books for Young People (IBBY), Organización de Estados Iberoamericanos para a Educación, a Ciencia e a Cultura (OEI), e a Oficina Rexional de Educación para América Latina e o Caribe da Organización das Nacións Unidas para a Educación, a Ciencia e a Cultura (UNESCO/OREALC).

En 2011 a OEPLI propón a candidatura de AGUSTÍN FERNÁNDEZ PAZ.

Máis información en GALIX

Más bibliotecas que ayer y menos que mañana

2011-02-22T13:33:00.000-08:00

La revista Digital de Formación y Educación del profesorado e-CO, del Centro de Profesorado de Córdoba, en su número de octubre y con motivo de la celebración del Día Internacional de las Bibliotecas Escolares, publica una monografía que lleva por título "Más bibliotecas que ayer y menos que mañana".

Recomiendo a los que estéis interesados en este mundo de las bibliotecas escolares, que le dediquéis un poco de vuestro tiempo para reflexionar y valorar lo que será la biblioteca escolare del futuro, y a la que se le podría llamar de forma muy adecuada Biblioteca escolar 2.0

Haced clik aquí para el enlace.

Un consello de Raúl.

2011-02-20T13:27:00.000-08:00

Raúl é un neno de 2º de Primaria ó que lle encanta estar na biblioteca. Nada máis saír ó recreo ven á biblioteca.

Ó outro día espontáneamente dirixiuse a min dicindo:

-Podo pegar isto na porta?

Vin o que me amosaba e sorrín divertida pola naturalidade, a espontaneidade e a simpatía do rapaz.

-Non só na porta, heicho poñer no blog da biblioteca- contesteille.

Velaquí tedes o consello de Raúl.

Detalles así fannos seguir traballando por achegar os libros ós nenos.

Día da Paz, clase práctica

2011-02-12T09:20:00.000-08:00

Como ven sendo desde hai xa moitos anos, en todas as escolas fanse moitas e variadas actividades co obxectivo de educar en, para, e por a Paz.
No noso centro fixeronse varias actividades.
Velaquí tedes unha delas.

A ler tamén se aprende escribindo.

2011-02-09T13:37:00.000-08:00

Neste material atopado no Portal de Educación da Junta de CyL, podemos ler unhas reflexións de Daniel Cassany sobre os cambios que se teñen xenerado na sociedade e particularmente nas nosas escolas coa utilización das TIC. Tamén contén interesantes actividades relacionadas co tema.

Consideramos que os profesores temos que plantexarnos moi seriamente cambios tanto nos contidos a enseñar como nas metodoloxías a empregar.

Neste Cuaderno nº 7 de Material para o Profesorado podemos encontrar unha importante axuda.
Recomendamos lelo e intentar aplicar algunhas das súas suxestións.

Cuadernos del profesor_7_

View more documents from trstrs.

Presentación de Librolandia

2011-02-08T14:14:00.000-08:00

Aqui podedes ver o primeiro boletín informativo sobre Librolandia.
Esperamos a vosa visita e que aproveitedes todo o que vos ofrecen os libros e a lectura.

1º boletín de Librolandia

View more presentations from trstrs.

ALFREDO GÓMEZ CERDÁ en LIBROLANDIA

2011-01-26T15:40:00.000-08:00

O pasado 14 de xaneiro visitounos o famoso escritor de literatura infantil e xuvenil Alfredo Gómez Cerdá. Estivo unha hora cos alumnos de 5º e 6º e outra hora cos de 3º e 4º.

Durante este tempo os nenos fixéronlle umha morea de preguntas que Alfredo contestou con amabilidade dicindo moitas cousas intersantes e sorpredentes para os nenos, por exemplo que se fixo escritor pesares de que a súa familia era de nivel cultural baixo e que na súa casa non houbese libros.

Tamén dixo que se preocupaba moito polos problemas infantís, e iso lle motivaba para contar historias con nenos como protagonistas, por exemplo, Timo Rompebombillas ten un pai con problemas co alcol. Afirmou que se poidese faría que tódolos nenos fosen felices.

Comentou que a historia dun neno feliz non é interesante para contar, só diría: ”Érase un neno que vivía completamente feliz”, e xa remataría a historia.

Algúns dos nenos comentaron posteriormente que non estaban de acordo xa que a vida dun neno feliz pode ser tamén super interesante.

A continuación deixamos unha mostra das preguntas e das respostas que se fixeron:

P: Como fas para inventar un libro?

A.G.: Aproveito calquera idea que teño e estea onde estea escríboa: nunha habitación, no campo, no autobús…

P: Onde se escribe mellor?

A.G: En calquera lugar, nunha habitación normal da miña casa, pero ,eso sí, só, sen ninguén.

P: Por que empezaches escribindo teatro?

A.G: Cando fun ó instituto con 14 anos, tiven un profesor moi bo co que faciamos obras de teatro. Gústabame moítisimo, por iso decidín, non só facer teatro, senón tamén escribir textos para representar.

P: Cando publicaches o teu primeiro libro?

A.G: Eu xa tiña escrito varias obras, pero o primeiro que se publicou foi “Las palabras mágicas”, e déronme o 2º premio de El Barco de Vapor

P: Lías moito de pequeno?

A.G: Na miña casa non había libros, pero aínda asi, gústabame moito ler e escribir. Tampouco me animaron moito os meus profesores, pero como me gustaba , escribía y escribía.

P: Cando eras pequeno que querías ser cando medrases?

A.G : En primeiro lugar quería ser escritor, en segundo lugar quería ser escritor e en terceiro lugar quería ser… escritor.

P: Cal é o teu escritor favorito?

A.G: Aprecio moito a Roald Dalh, porque me encantan todos os seus libros: Matilda, Charlie y la fábrica de chocolate, … e moitos máis .

P: Gustaríache ser neno para vivir aventuras con nós e logo contalas nos teus libros?

A.G: Claro que sí, pero tamén me gusta contar libros infantís desde a visión dun adulto. Creo que todo o mundo algunha vez quixera volver a ser neno, pero tamén me gusta moito ser adulto.

P: Que che gusta escribir máis literatura realista ou fantástica?

A.G: Escribo principalmente literatura realista, pero sempre lle poño algún elemento fantástico…. Por exemplo en Nano e Esmeralda, Nano é un neno normal, que fai unha vida normal, pero Esmeralda é unha bruxa boa que vai en bicicleta….

O tempo fíxose curto e quedaron moitas preguntas por facer , como

Como se che ocurren as ideas?, Gústache ser famoso e ter fans? , Podes vivir sendo só escritor? Cal é o libro dos teus que máis che gusta?, E o que menos? Por que é importante ter un blog? Canto tempo escribes ó día? Como conseguirei ser escritora?...

Ó remate firmounos os libros un por un.

Quedamos moi contentos … e pensamos que el tamén se levou un grato recordó do noso colexio.

Esperamos volver a organizar actividades deste tipo.

Presentación

2011-01-18T15:10:00.000-08:00

No CEIP Graxal temos desde febreiro de 2010 biblioteca escolar, con nome e todo.

Chámase Librolandia.

Escoller o nome foi unha das primeiras actividades que fixemos.

Foi todo moi democrático.

Os nenos e nenas aportaron as súas propostas e logo por votación escolleuse unha. Resultou gañador o nome de Librolandia.

Tanto os nenos como os "profes" disfrutamos moito en Librolandia.

A nosa biblioteca aínda é noviña e faltalle un "chisquiño" para chegar ó nivel doutras bibliotecas escolares, que por certo nolo poñen difícil porque, polo que coñecemos, son estupendas e realizan unha labor moi importante ó redor dos libros e a lectura.

Estamos convencidos de que a lectura é a base para o coñecemento e a formación dos nenos e nenas.

Por iso poñemos todo o entusiasmo posible para dotar ó noso centro dunha biblioteca escolar viva, que sexa o centro dos recursos para a información, a formación e tamén o lecer.

Penso que estamos no bo camiño, e a pesares de que levamos pouco tempo funcionando xa temos feitas algunhas actividades e vemos que os nenos responden moi ben a todo o que se lles propón, e, o que é máis importante, cada día demandan máis libros.

Isto sérvenos de estímulo para traballar e ofrecerlles unha boa biblioteca escolar.

Na actualidade internet é imprescindible, por iso Librolandia tamén quere ter o seu espazo na rede:

Librolandia.BE, o blog da biblioteca escolar do CEIP Graxal.

Aquí iremos deixando información sobre todo o que vaia ocurrindo en Librolandia.

Aquí vai unha mostra da actividade diaria da nosa xove biblioteca .

Pedimos a vosa colaboración coa aportación de comentarios que nos axuden a mellorar o que facemos.